القائمة الرئيسية

الصفحات

تعرف على عادات الاثرياء - كيف تكتسب مهارات الاغنياء


كل الأشخاص الناجحين والاثرياء هتلاقي سبب نجاحهم عادات بتميزهم عن غيرهم ، وأي شخص مننا يقدر انه يتعلم العادات دي لكن أهم شيئ هو الأستمرار عليها ، كل اللى عليك هو الألتزام لمدة 40 يوم ...............................



(إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )





أولاً : الاستيقاظ من النوم مبكراً .


أكيد كلنا عارفين أهميه الاستيقاظ في وقت بدري ، احنا كمسلمين واجب علينا اننا نصحى بدري علشان صلاة الفجر ، حتى ربنا بينعم عليك بالفرح والسعاده ، ومن بداية اليوم بيكون معاك الوقت كتيير وبتقدر تعلم أكتر من حاجه مهمه في يومك ، وبتركز على اهدافك المهمه أكتر



ثانياً : أتمرن لمده 30 دقيقه كل 3 ايام


للأسف معظمنا مبيمارسش الرياضه ، ولما بنروح الجيم بنستمر لمده أسبوع وبعد كدا مبنروحش تاني ، حاول انه يكون ليك صديق تشجعوا بعض على التمرين باستمرار ، ولما واحد يكسل التاني هيحفزوا على التمرين ، الرياضه ليها فوايد كتير وهيا الحفاظ على جسم صحي ، وكمان بتخفف الضغط النفسي وتحسن الذاكره وبتساعدك على النوم بشكل افضل .


ثالثأ : أتعرف على ناس وأصحاب جديده


اهم حاجه في حياة الاشخاص الناجحين هيا العلاقات والتواصل مع أشخاص جديده كل يوم ، ومن الطبيعي هتقابل نوعين من الاشخاص ، (أول نوع) هما أصحاب المصلحه فقط وكتير بيكونوا سلبيين ، (تاني نوع) أشخاص هتحسن معاهم بالراحه وهتلاقيهم بيقدمولك النصيحه والمعلومه وبالذات لو هما في نفس مجالك أو اهتاماتهم نفس أهتماماتك، وهتبدأ تاخد قرارات واختيارات افضل في حياتك .



رابعاً : قراءة الكتب

خلي الكتاب صديق ليك ، أي شخص ناجح لازم تلاقي في وقت للقراءه في يومه ، زي ( إيلون ماسك ) لو متعرفش مين هو ايلون ماسك ، فهو مؤسس شركة space x ، وتيسلا ، وشركات تانيه كتير ، وحاليا هو أغني رجل أعمال في العالم ، ودا مفيش كتاب جه تحت ايده غير لما قرأه .



خامساً : الاقتصاد ( خليك أقتصادي )

حدد الحاجات اللى بتصرف فلوسك عليها ، وخلى الحاجات المهمه والاساسيه هيا اللى ليها الاولويه بس ، لما تيجي تشتري حاجه أسأل نفسك قبلها هل انت فعلا محتاج الحاجه دي ضروري وهتفيدك ولا لاء ، وانتظر شويه قبل ما تجيبها ، الاشخاص الاثرياء والناجحين مبيصرفوش فلوسهم في حاجه غير مهمه ، علشان كدا بيقدروا يتحكموا في كل مبلغ موجود معاهم .



سادساً : التأمل .

التأمل لازم يكون عاده يوميه ، التأمل هو رياضه روحيه بتساعدك على الاسترخاء والتوازن وبيحسسك بالهدوء وتقبل الذات ، كمان التأمل بيساعد على التخلص من امراض كتير زي القلق والاضطرابات والتوتر، من خلال الاستمرار هتحس بانخفاض التوتر والانفعال وتلاقي في توازن وارتفاع في التركيز .



سابعاً : ارتداء ملابس بسيطه .

الاشخاص الاثرياء والناجحين بيخصصوا وقتهم وتركيزهم في الحاجات المهمه اللى بتطور منهم ، بالتالي مبيصرفوش كتير على الملابس والاشياء الظاهريه ، المهم ان الملابس اللى تجيبها تكون بتناسك وتناسب شخصيتك .



ثامناً : تحديد الأهداف وتحقيقها .

لازم يكون عندك أهداف يوميه وأسبوعيه وشهريه ، الأهداف والخطه اللى بتحطها لنفسك ، بتساعدك أنك تركز على أهم الأمور في حياتك . ومن خلال وضع أهداف حقيقه وتحقيقها فعلا ، فا دا بيساعدك على بناء شخصيه قويه وهتبدأ تطور من نفسك أكتر وتزود من أهداف .



لو استمريت على العادات دي لمده 40 يوم هتفرق معاك جداً وتلاقي التغيير والتحسن في حياتك .



Reactions:

تعليقات